Бишкектин райондорунда тамеки тартууга каршы рейддер жүрүп жатат.

Мэриянын басма сөз кызматы билдиргендей, ага акимчиликтердин кызматкерлери, күч түзүмдөрүнүн, ошондой эле Мамлекеттик санитардык-эпидемиологиялык көзөмөлдөө борборунун өкүлдөрү катышууда.

Рейддер көңүл ачуу мекемелеринде жүргүзүлүп, анда администрация жана келген жарандар тарабынан «Жарандардын ден соолугун тамекини, никотинди керектөөнүн кесепеттеринен жана экологиялык тамеки түтүнүнүн жана аэрозолдун таасиринен коргоо жөнүндө» мыйзамдын талаптарын бузуулар аныкталган.

Тартип сакчылары коомдук жайларда тамеки чегип жаткан жаранга айып пул салынарын эскертет.

Биздин Телеграм каналга катталыңыз