Бишкек шаарынын мэри Эмилбек Абдыкадыровдун тапшырмасы боюнча рейддик иш-чара уюштурулганын мэриядан билдиришти.
Калаа башчысы рейд учурунда «материалдык-техникалык жабдыктарды даярдоо. Кышкы дөңгөлөктөрдү, аккумуляторлорду, троллейбустардын, автобустардын жана кичи автобустардын салондорун жылуулоого өзгөчө көңүл бурулсун. Ошондой эле бардык акыркы токтоочу пункттарга материалдык ревизия жүргүзүлсүн»- деген талапты койгон.
Транспорт департаменти тарабынан рейд жүргүзүлүп, анын жыйынтыгында кичиавтобустук каттамдардын фирмаларынын айдоочуларына карата 14 мыйзам бузуу аныкталып, 7 акт, 3 протокол түзүлдү.
Белгилей кетсек, биринчи кезекте кичиавтобустук каттамдары текшерилди.
Бул багыттагы иштер улантылууда. Рейддик иш-чаралар үзгүлтүксүз өткөрүлүп, ташуучу-фирмалардын абийирсиз жетекчилерине жана айдоочуларга тартиптик чаралар көрүлөт.
Бардык жаңылыктар Телеграм каналда
