KIT Forum 2025 Бишкекте 29-30-майда Enable AI урааны астында ар кыл чөйрөлөрдү трансформациялоодо жасалма интеллекттин ролуна арналып өттү.
Форумдун ачылышына КР санариптик өнүктүрүү министри Азамат Жамангулов, Түрк мамлекеттер уюмунун башкы катчысынын орун басары Мирвохид Азимов, Жогорку технологиялар паркынын директору Азис Абакиров жана АКШ менен Улуу Британиянын элчилери катышты.
Форумда билим берүү, акылдуу шаар, инфраструктура, бизнес жана киберкоопсуздук боюнча ЖИ боюнча сессиялар өттү. Буга катарлаш KIT Expo көргөзмөсү, семинарлар жана карьералык аянтчалар өткөрүлдү.
