Бишкектеги №24-мектептин дубалында октябрь айында болгон резонанстуу жол кырсыгында көз жумган 13 жаштагы Тимурдун жаркын элесине арналган мурал пайда болду. Бул тууралуу жаратуунун автору Валерий Катревич билдирип, муралды жубайы Алиса экөө бирге иштеп чыгышканын айтты.

Анын айтымында, ушул долбоорго өзгөчө жоопкерчилик менен мамиле кылган: эскизди баланын ата-энеси, мектеп жетекчилиги жана шаар тургундары менен талкуулап, алардын оюн угуп турган. «Анткени бул тема өтө оор, өзгөчө назик», — деди ал. Катревич бул муралды техника жагынан эмес, коомдук мааниси боюнча өзүнүн эң маанилүү эмгектеринин бири деп эсептээрин кошумчалады.

Художник белгилегендей, муралдын идеясы толугу менен өзү тарабынан иштелген: негизги максат — баланын образын түздөн-түз тартпай туруп жеткізүү жана көйгөйдү ашыкча түз сүрөттөбөй көрсөтүү болгон.

Каргаша 18-октябрда Бөкөнбаев жана Абдрахманов көчөлөрүнүн кесилишинде болгон. Lexus менен Toyota Camry унаалары кагылышып, жөө жүргүнчүлөрдү сүзүп кеткен. Тимур окуя болгон жерде каза тапкан, дагы үч киши ооруканага жеткирилген.