Президенттин маалымат кызматынын башчысы Дайыр Орунбеков Бишкекте ишке киргизилип жаткан таштандыны кайра иштетүүчү жаңы заводдун видеосун жарыялады. Ишкана калдыктарды өрттөө менен 30 МВтка чейин электр энергиясын өндүрө алат.

Анын айтымында, процесс буга чейин эле башталып, өндүрүлгөн энергия шаардык электр тармактарына кошулган. Учурда станция 3,5 МВт электр берип жатат, кечке жуук кубаттуулук 18 МВтка чейин жогорулашы күтүлүүдө. Завод толук ишке киргизилгенден кийин туруктуу түрдө 30 МВт өндүрүп, калкты электр энергиясы менен камсыздай алат.

Орунбеков билдиргендей, ишкананын ишке киргизилиши 50 жылдан бери чирип келген шаардык таштанды полигонунан толук кутулууга мүмкүндүк берет. Эми калдыктар кайра иштетилет: бир бөлүгү энергия алуу үчүн өрттөлсө, калгандарынан курулуш материалдары чыгарылат.

Посмотреть эту публикацию в Instagram

Публикация от Reporter.kg (@reporter_kg)

Завод суткасына 1 миң 200 тоннага чейин таштанды жок кылууга эсептелген. Учурда Бишкекте күнүгө болжол менен миң тонна таштанды чогултулат.