Бишкектеги борбордук Ала-Тоо аянтына Манастын жаңыланган айкели орнотулду.

Скульптура жаңы жасалган постаментке орнотулуп, анын айланасында техникалык иштер жүрүп жатканы байкалат.

Долбоордун техникалык өзгөчөлүктөрү:

• Постаменттин бийиктиги — 22,7 метр
• Постаменттин төмөнкү бөлүгүнүн туурасы — 6,2 метр, жогорку бөлүгү — 2,5 метр
• Манас баатырдын айкелинин бийиктиги — 10,3 метр

Мамлекеттик органдардын маалыматына ылайык, айкелдин жаңыланган формасы улуттук символиканы, баатырдык духту жана заманбап архитектураны айкалыштырат. Айкелдин авторлору — кыргыз жана чет элдик скульпторлордон турган чыгармачыл топ.

Жаңы композиция коомчулукта кызуу талкуу жаратып, айрымдар аны заманбап чечим катары кабыл алышса, башкалар мурунку классикалык вариантты колдоорун билдиришүүдө.