Бишкек жана Чуй облусунда бүгүнтөн тартып 27 ноябрга чейин убактылуу транспорт кыймылы чектелет. Бул тууралуу ИИМ эске салды, билдирүүдө чаралар борбордо өтүп жаткан ЖККУ Коопсуздук кеңешинин сессиясына байланыштуу экендиги белгиленди.

Маалыматка ылайык, кыймыл бир нече негизги тилкелерде чектелет:
• Манас аэропортунан Бишкекке кире беришке чейинки жол;
• Фучик көчөсү — шаар чегинен Чуй проспектисине чейин;
• Чуй проспектиси — Фучиктен Манас проспектисине карай багытта;
• Манас жана Ч. Айтматов проспекттери — Ала-Арча резиденциясына чейин;
• Ж. Абдрахманов, С. Ибраимов жана М. Фрунзе көчөлөрүнүн айрым бөлүктөрү.

ИИМ айдоочулардан маршруттарын алдын ала өзгөртүүнү, көрсөтүлгөн көчөлөрдүн боюна автоунааларын токтотпоону, мүмкүн болушунча оор жүк ташуучу транспортту колдонбоону суранат. Ошондой эле жол кыймылынын эрежелерин сактоого жана жол милициясынын кызматкерлеринин талаптарын аткарууга чакырат.

Ведомство убактылуу чаралар кыска мөөнөттүү мүнөзгө ээ экенин белгилеп, шаар тургундарын жана конокторду түшүнүү менен кабыл алууга үндөдү.