15-февралдан баштап Бишкек шаарынын Калинин көчөсүндө жайгашкан көпүрөдө реконструкциялоо иштери башталат. Бул тууралуу Милициянын кайгуул кызматы башкармалыгы билдирди.

Оңдоп-түздөөнүн алкагында жолдун жүрүүчү бөлүгү кеңейтилип, транспорттук агымдын өткөрүү жөндөмдүүлүгүн жогорулатуу пландалууда. Ушуга байланыштуу аталган тилкеде унаалардын кыймылы убактылуу токтотулат.

Кайгуул кызматы айдоочуларды маршруттарды алдын ала пландоого жана альтернативдик жолдорду колдонууга чакырат.