Борбордук шайлоо комиссиясы бир мандаттуу округдар боюнча 321 талапкерди каттады. Бул тууралуу БШКнын басма сөз кызматы билдирди.
Маалыматка ылайык, талапкерлердин көбү Чүй облусунда 63 адам, эң азы Таласта 15 катталган. Шайлоого Баткен облусу боюнча 37 талапкер катышса, Ош облусунда 59, Жалал-Абад облусунда 50, Нарын облусунда 29, Ысык-Көл облусунда 41, Бишкек шаарында 27 талапкер катталды.
Шайлоо 28-ноябрга белгиленген.
Жогорку Кеңештин 54 депутат партиялык тизме менен шайланса, 36 депутат бир мандаттуу округдар боюнча мажоритардык система боюнча шайланат.
