Борбордук шайлоо комиссиясы алдыдагы парламенттик шайлоону өткөрүү үчүн 700 миллион сом каражат бөлөрүн билдирди.

Анын ичинен:

• 382,7 млн сом — БШКнын өз чыгымдарына;
• 259,2 млн сом — округдук шайлоо комиссияларынын чыгымдарына;
• 58 млн сом — чет өлкөлөрдө жашаган кыргыз жарандарынын добуш берүүсүнө шарт түзүүгө жумшалат.

Бул шайлоо өнөктүгүндө 30 округдук шайлоо комиссиясы жана 2622 участкалык шайлоо комиссиясы (анын ичинде 100ү — чет өлкөлөрдө) иш алып барат.

Жалпысынан шайлоо процессине 25 миңден ашуун адам тартылары күтүлүүдө.