Быйыл жарым жылда 10 миң 632 кыргызстандык Россиянын жарандыгын алган. Бул тууралуу Россиянын Ички иштер министрлиги билдирди.
Борбор Азия мамлекеттеринин ичинен Россиянын атуулу болгондордун сап башында Тажикстандын жарандары турат. Быйылкы жарым жылда 74 миң 162 тажикстандык Россиянын паспортун алган. Ошондой эле Казакстандын 21 миң 647 жараны, Өзбекстан 13 миң 99 атуулу, Түркмөнстандын 1 миң 549 жараны Россия жарандыгына өткөн.
Россиянын Ички иштер министрлигинин маалымат боюнча, алардын миграциялык каттоосунда 516 миң 729 кыргызстандык турат.
