Чүй районунда акча уурдоого шектүү кармалды. Бул тууралуу облустук милициядан кабарлашты.
Маалыматка ылайык, 8-декабрда Чүй айылында жайгашкан компьютердик клубдун кассасынан 46 800 сом суммасындагы акча уурдалган. Клубдун ээси арыз менен милицияга кайрылып, ыкчам-иликтөө иштери башталган.
Анын алкагында бул кылмышка шектүү делип 18 жаштагы О.Н. аттуу Чүй облусунун тургуну кармалган.
Шектүү убактылуу кармоочу жайга киргизилип, сотко чейинки өндүрүш башталган.
