Кыргызстандын министрлер кабинетинин төрагасынын орун басары Эдил Байсалов Америка Кошмо Штаттарынын жарандары үчүн визасыз режимди кайра карап чыгуу демилгесин көтөрдү. Бул арыз күн мурун АКШнын Мамлекеттик департаменти жарыялаган жаңы виза талаптарына жооп катары айтылды.эми кыргызстандыктар виза алуу үчүн кайрылганда 15 миң долларга чейин күрөө коюуга милдеттүү.

Байсалов виза саясаты паритет жана өз ара урматтоо принциптеринде түзүлүшү керектигин баса белгиледи. “Эгерде биздин жарандар үчүн мындай жогорку тоскоолдуктар киргизилсе, биз эч нерсе болбогондой түр көрсөтө албайбыз”, — деди ал.