Евразиялык экономикалык комиссия (ЕЭК) Кыргызстандын жүк ташуучуларына Россия Федерациясында чектөөлөрдү жоюу боюнча аракеттерди ийгиликтүү жүргүздү.

Маалыматка ылайык, Россияда чет өлкөлүк жарандар үчүн 90 күндөн ашык эмес визасыз калуу чектөөлөрү киргизилген №115-ФЗ федералдык мыйзамы эл аралык автотранспорт жана ЕАЭБ принциптерине каршы келген. Бул кырдаалды ЕЭКтин оперативдүү жолугушуусу менен чечүүгө макулдашылды.

Жолугушуунун жыйынтыгында:

• №115-ФЗ мыйзамын жүк ташуучуларга колдонбоо тууралуу расмий түшүндүрмө берилди;
• Россия Федерациясынын аймагында чет өлкөлүк айдоочулар үчүн убактылуу калуу шарттары жөнгө салынды;
• Эл аралык автотранспорттук компаниялар үчүн административдик чектөөлөр алынган;
• ЕАЭБ мүчө-мамлекеттеринин тиешелүү органдары катышкан оперативдүү штаб түзүлдү.

Кыргыз Республикасынын Транспорт жана коммуникациялар министрлиги, ошондой эле Кыргыз Республикасынын Эл аралык автотранспортчулар ассоциациясы (AMAP KR) зарыл болгон учурда дароо кайрылууга чакырат.