УКМКнын маалыматына ылайык, Эсеп палатасынын мамлекеттик инспектору пара талап кылуу фактысы боюнча кармалды.

Маалыматка караганда, инспектор «И.М.А.» быйыл май айында Чаткал районунун Каныш-Кыя айыл өкмөтүнүн 2024-жылдагы финансы-чарбалык ишмердүүлүгүнө пландык текшерүү жүргүзгөн. Текшерүүнүн жүрүшүндө аныкталган мыйзам бузууларды жаап-жашыруу үчүн ал айыл өкмөтүнүн кызматкерлеринен 800 миң сом алган.

Ошондой эле Каныш-Кыя айыл өкмөтүнүн кызматкерлери социалдык объектти куруу боюнча тендерде жеңүүчү болгон компаниядан 10 пайыз өлчөмүндө сый акы алышканы белгилүү болду.

Бул фактылар боюнча тергөө иштери жүрүп жатат.