Кыргызстандын улуттук курама командасы футбол боюнча «Үч Улуттун Кубогунда» Бангладеш командасына экинчи голду киргизди. Оюн Дөлөн Өмүрзаков атындагы стадиондо өтүп жатат.
Алимардон Шүкүров 39 -мүнөттө топту атаандашынын дарбазасына киргизди.
Биринчи топ коноктордун торуна 10 -мүнөттө кирди. Аны Эльдар Молдожунусов киргизди.
Эске сала кетсек, 2-сентябрда Ак-Шумкар командасы Палестина командасын 1: 0 эсебинде утуп алган. Өз кезегинде палестиналык оюнчулар Бангладеш курама командасынан күчтүү болгон.
Кыргызстанда 2-7 -сентябрь аралыгында футбол боюнча «Үч Улуттун Кубогу» эл аралык турнири өтүүдө. Бул достук мелдеш биздин өлкөдө биринчи жолу өтүп жатат. Катышуучулар — Кыргызстан, Палестина жана Бангладеш курама командалары.
