Бишкекте эки жаран 1,9 кг баңгизат менен кармалды. Бул тууралуу Ички иштер министрлигинен билдиришти.
ИИМдин маалыматы боюнча, Баңгизатка каршы күрөшүү кызматы Баткендин кээ бир тургундары маңзат сатып жүргөнүн аныктаган. Бул факт боюнча Кылмыш-жаза кодексинин 282-беренеси менен кылмыш иши козголгон.
Милиция 15-мартта Бишкекте Hyundai унаасы менен бараткан 51 жаштагы Т.Ж. жана 36 жаштагы Ж.А. аттуу эки жаранды кармаган. Унааны тинтүү учурунда 1 кг 991 грамм нашаа баңгизаты табылып алынган.
Шектүүлөр убактылуу кармоочу жайга камакка алынды.
Тергөө иштери уланууда.
