Ички иштер министрлиги «Кыргызнефтегаз» ААКтагы коррупция фактысы боюнча козголгон кылмыш ишинин алкагында шектүүлөр кармалганын билдирди.

Кылмыш иши Мамлекеттик салык кызматы иликтөөсүнүн негизинде козголгон. Иликтөөдо аталган ишканада күйүүчү-майлоочу материалдарды сатуудагы коррупциялык схемалар тууралуу айтылат. Тергөө иштеринин алкагында төмөнкү жарандар кармалды:

• 43 жаштагы Н.Н. — «Кыргызнефтегаз» ААКтын башкармалыгынын мурдагы төрагасы;
• 46 жаштагы А.Р. — «Кыргызнефтегаз» ААКтын башкармалыгынын төрагасынын мурдагы орун басары;
• 38 жаштагы А.Н. — ишке тиешеси бар компаниялардын биринин директору;
• 36 жаштагы М.Б. — тиешеси бар компаниянын мурдагы директору.

Кармалган адамдар Бишкек шаардык ИИББнын убактылуу кармоочу жайына киргизилди. Учурда иштин жагдайларын аныктоо жана башка тиешеси бар тараптарды тактоо боюнча тергөө аракеттери улантылууда.