Ирандан Кыргызстанга мыйзамсыз жол менен алып келинген 6 тонна 480 кг салмакты түзгөн балык азыктары өлкө аймагына киргизилген жок. Бул тууралуу Айыл чарба министрлиги билдирди.

Маалыматка ылайык, Чүй облусундагы «Ак-Тилек» чек ара ветеринардык көзөмөлдөө пунктунун инспекторлору жүктө ЕАЭБдин ветеринардык-санитардык талаптары сакталбагандыгын аныкташкан. Мындан улам жүк артка кайтарылды.

“Бул чаралар өлкөнүн эпизоотикалык коопсуздугун камсыздоого, жарандардын ден соолугун коргоого жана ЕАЭБдин бирдиктүү ветеринардык талаптарынын аткарылышын камсыздоого багытталган”,- деп билдирди министрлик.