Ош облусунун Кара-Суу шаарында адам өлтүрүүгө шектүү жаран кармалды. Бул тууралуу облустук милициядан билдиришти.
Маалым болгондой, 2-мартта милицияга белгисиз адам тарабынан сабалган 42 жаштагы шаар тургуну ооруканага түшүп, каза болгону тууралуу кабарланган.
Аталган факт боюнча Кылмыш-жаза кодексинин 122-беренеси (адам өлтүрүү) менен кылмыш иши козголгон.
Ыкчам-тергөө иштеринин натыйжасында шектүү катары 34 жаштагы жаран (Т.Ж.) кармалып, убактылуу кармоочу жайга камакка алынган.
Учурда тийиштүү экспертизалар дайындалып, тергөө амалдары жүрүүдө.
