Ош облусундагы медреседен өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 27-март күнү саат кечки саат 22:00 дөр чамасында Кара-Суу районундагы Андижан айылынын Ленин көчөсүндө жайгашкан медреседен өрт чыккан.
Өрттү өчүрүүгө Ош шаардык №12 өрт куткаруу бөлүгүнөн 2 бөлүм, №13 атайлаштырылган өрткө каршы куткаруу бөлүгүнөн 1 бөлүм, өрт өчүрүү штабы тартылган. Мындан сырткары ИИМден 15 кызматкер жана РЭТинен 1 бригада тартылган.
Медресенин эки кабаттуу окуу корпусунун шыбы жана 156 чарчы метр чатыры толугу менен күйгөн. Жабыркагандар жок. Өрт түнкү саат 23:07де чектөөгө алынып, саат 00:02де толугу менен өчүрүлгөн.
