Аксы районунун Кара-Жыгач айылынын ичүүчү суу менен камсыздоо системасынын долбоорлоо иштери аяктоодо. Тиешелүү корутундулар алынгандан кийин курулуш иштери башталат. Бул тууралуу Айыл чарба министрлиги билдирди.

Маалыматка ылайык, долбоордо суу менен камсыздоонун инженердик түйүндөрүн алмаштыруу жана монтаждоо, жаңы резервуарларды долбоорлоо жана куруу, системанын узак мөөнөттүү колдонулушун камсыз кылган технологияларды киргизүү иштери каралган.

Жеринде мамлекеттик мекеменин директорунун, Кара-Камыш айыл өкмөтүнүн башчысынын жана долбоорлоо институтунун жетекчисинин катышуусу менен жумушчу кеңешме өткөрүлүп, негизги жана кошумча скважиналар жайгаша турган жерлер аныкталган.