Каракол шаарында секелек кыз унаанын астына жүгүрүп чыгып, урунган видео тарады. Ысык-Көл облустук милициянын маалыматына караганда, сүзүп кеткен айдоочуу кармалган. Ал Ак-Суу районунун 39 жаштагы тургуну Хонда Стэпвагон үлгүсүндөгү унаасын айдоочусу болгон. Кырсык Алдашев менен Жамансариев көчөсүнүн кесилишинде болгон.

11 жаштагы кыздын ата-энеси эч кандай дооматы жок экенин айткан. Ал арыз жазуудан жана соттук-медициналык экспертизадан баш тарткан. Сотко чейинки өндүрүш иши токтотулду. Ошол эле учурда, Каракол шаардык ички иштер бөлүмүнүн милиция кызматкерлери 127-берененин негизинде унаанын айдоочусуна айып пул салышты.