Өспүрүм кыз Ысык-көлгө чөгүп, каза болду. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, куткаруучуларга кечээ 8-августта Ысык-Көл облусунун Каракол шаардык пляжында көлгө 2005-жылы төрөлгөн кыз чөгүп кеткендиги тууралуу маалымат түшкөн. Издөө иштерине 3 куткаруучу тартылып, маркумдун жансыз денесин суудан чыгарып, ИИМ кызматкерлерине өткөрүп беришкен.
