Казакстанда 13-июндан тарта желим таштандыларды экспорттоого тыюу салуу күчүнө кирет. Тиешелүү буйрук Казакстан Республикасынын Финансы министрлигинин Мамлекеттик кирешелер комитети тарабынан чыгарылган.
Документке ылайык, мындай чектөөлөр ата мекендик полимердик продукцияны өндүрүүчүлөрдү жеткиликтүү чийки зат, ПЭТ (полиэтилентерефталат) калдыктары менен камсыздоо, өндүрүш көлөмүн көбөйтүү жана ички рынокто даяр продукциянын өздүк наркын төмөндөтүү максатында киргизилүүдө.
Бул тыюу алты айга күчүндө болот. Бул бөтөлкөлөргө, колбаларга жана сыйымдуулугу 2 литрден ашпаган башка буюмдарга жана сыйымдуулугу чоңураак ушуга окшош желим идиштерге, ошондой эле пропилен полимердик пластмассадан жасалган калдыктарга, кыртыштарга жана сыныктарга таасирин тийгизет.
Комитет буйрук күчүнө кирген күнгө чейин экспорттун бажы жол-жобосуна жайгаштырылган жана чыгарылган товарлар Казакстандын аймагынан тоскоолдуксуз чыгарылууга тийиш экенин белгиледи.
Пластик калдыктары ар кандай типтеги жана максаттагы идиштерди жасоо үчүн чийки зат катары колдонуларын кошумчалайбыз.
