Нарын облусунда адам өлтүрүүгө шектүү делип 46 жаштагы тургун кармалды. Бул тууралуу Нарын облустук милициясынан билдиришти.
Маалыматка караганда, облустук ооруканадан милицияга 71 жаштагы адам бычактан жаракат алып түшкөнү маалымдалган.
“Алыш айылынын К.Т. аттуу тургуну мас абалында үйгө келип, аялы менен уруша кеткен. Шектүүнүн атасы келинине болушкан учурда К.Т., атасын бычак менен жүрөк тарабына сайып жиберген. Жабырлануучу ошол жерден каза болгон. Шектүү окуя болгон жерден качып кеткен, бирок аны милиция кызматкерлери кийинчерек кармашкан.
Бул окуя боюнча кылмыш иши козголуп, шектүү убактылуу кармоочу жайга киргизилди”, — деп айтылат маалыматта.
