8-11-июль күндөрү күтүлүп жаткан туруксуз аба-ырайына жана нөшөрлүү жаан-чачынга байланыштуу өлкөнүн тоолуу жана тоо этектериндеги аймактарында сел жүрүшү мүмкүн. Ошондой эле дарыяларда суунун деңгээли көтөрүлүшү күтүлөт.

Бул тууралуу ӨКМнын Кыргызгидромет кызматы билдирди.

“Бул күндөрү тоолуу аймактарда эс алуудан баш тартып, коопсуз жайларда болуңуз. Кандайдыр бир кырдаалга кабылсаңыз, токтоосуз түрдө 112 кызматына билдириңиз. Чалуу акысыз жана күнү-түнү кабыл алынат!”,- деп айтылат маалыматта.