Казакстанда КМШга мүчө өлкөлөрдүн чек ара кызматтарынын «Канжар-2025» биргелешкен машыгуулары өттү. Бул тууралуу Орусиянын Казакстандагы элчилиги кабарлады.

Бул иш-чарага КМШ өлкөлөрүнүн чек ара кызматтарынын атайын бөлүктөрү катышып, уюмдун чек араларындагы кризистик кырдаалдарга жооп берүү боюнча даярдык көрүшкөн.

Машыгуулар диверсиялык топторду жана мыйзамсыз куралдуу түзүмдөрдү аныктоо жана нейтралдаштыруу боюнча биргелешкен аракеттерди иштеп чыгуу максатында өттү. Ага Армения, Беларусь, Казакстан, Кыргызстан, Орусия жана Тажикстандын чек ара кызматтары катышты.