18-19-августта Ош шаарында “Доор өзгөрткөн билим” деген ураан алдында Август педагогикалык форуму өтөт. Бул тууралуу Агартуу министрлиги кабарлады. Форум башталгыч кесиптик билим берүү системасын трансформациялоо маселелерин талкуулоочу негизги улуттук аянтча болуп саналат.

Иш-чаранын темасы Кыргызстандын заманбап экономикасынын шарттарына ылайык квалификациялуу жумушчу кадрларды даярдоо сапатын жогорулатуу болуп саналат.

Форумдун негизги максаттары:

• Башталгыч кесиптик билим берүүнү реформалоо;
• Эмгек рыногунун реалдуу талабына ылайык программаларды жаңылоо;
• Кесиптик лицейлерди модернизациялоонун артыкчылыктуу багыттарын аныктоо;
• Компетенттүүлүккө негизделген мамилени киргизүү;
• Санариптик технологияларды билим берүү процесстерине интеграциялоо;
• Иш берүүчүлөр жана социалдык өнөктөштөр менен өнөктөштүктү күчөтүү.

Форумга Агартуу министрлигинин жергиликтүү өз алдынча башкаруу органдарынын, кесиптик лицейлердин жетекчилери, иш берүүчүлөрү, социалдык өнөктөштөрдүн жана педагогикалык коомчулуктун өкүлдөрү катышат.