Чолпон-Ата шаарында өткөн көк бөрү боюнча президенттин кубогунда «Достук» командасы Жогорку лиганын чемпиону аталды.

Финалдык беттеште «Достук» менен «Ынтымак» командалары күч сынашып, негизги убакыт 4:4 эсеби менен жыйынтыкталды. Кошумча убакытта Кубаныч Султан уулу «алтын салым» таштап, «Достукка» жеңиш алып берди. Ал бул оюнда төртүнчү улакты салып, турнирдин мыкты оюнчусу деп да табылды.

Үчүнчү орун үчүн болгон беттеште «Намыс» командасы «Шахтёрду» утуп, коло медалга ээ болду.

Мелдеш Кыргызстан эгемендүүлүгүнүн 34 жылдыгына арналды.