Кытайлык жергиликтүү тургун кошунасын өлтүргөндүгү үчүн 18 жылга эркинен ажыратылды. Бул тууралуу news.com’го жарыяланды.
Кылмышкер 2031-жылга чейин шарттуу түрдө эркиндикке чыгуу укугу жок. Ал кылмыш жасоодон эки күн мурун, Google’дан адам өлтүрүү боюнча суроолорго жооп издеген.
Белгиленгендей, адам өлтүрүү 2018-жылы болгон. 19 жаштагы Шуо Донг 28 жаштагы Ци Юй менен батирди Сиднейден ижарага алып жашашчу. Ал жакка аял окууга келген. Кытайлык аялдын сөөгү шаардын четиндеги арыктан табылган. Анын мойнуна узун жеңдүү койнок байланган. Бирок, кыздын кандайча өлтүрүлгөнү азырынча белгисиз, сурак учурунда Донг муну ачыкка чыгарган жок.
Юй дайынсыз жоголуудан бир нече күн мурун, анын кошунасы интернеттен укуктук маалымат издеген. Анын сурамжылоолору төмөнкүлөрдү камтыган: «Австралияда атайылап адам өлтүрүү үчүн канча жылга сотолот» жана «Атайылап киши өлтүргөндөн кийин кандай чыгымдардын ордун толтуруш керек?» деген.
Юй өлтүрүлгөн түнү, үчүнчү кошунасы үйүнө кайтып келип, тепкичтен чоң кызыл такты байкаган. Ошентип, полиция кызматкерлери аялды батирде өлтүрүп, сөөгүн алып кетишкенин аныкташкан. Сотто Донгго шизофрения диагнозу коюлгандыгы белгилүү болду.
