Кыргызстан 1957-жылы Женевада кабыл алынган кооптуу жүктөрдү автомобиль менен эл аралык ташуу (АДР) боюнча макулдашууга кошулат. Тиешелүү токтомду Министрлер кабинети кабыл алды.

Макулдашуунун максаты — кооптуу жүктөрдү атайын талаптарга жооп берген транспорт каражаттары менен ташууну жөнгө салуу жана эл аралык стандарттарды киргизүү.

Бул макулдашууну ишке ашырууга жооптуу органдар катары Транспорт жана коммуникациялар министрлиги, Өзгөчө кырдаалдар министрлиги, Жаратылыш ресурстары, экология жана техникалык көзөмөл министрлиги, ошондой эле Саламаттык сактоо министрлиги аныкталды.