Бишкек-Нарын-Торугарт унаа жолунда жол кырсыгынын кесепетинен 1 адам каза болуп, 1 адам жаракат алды. Бул тууралуу Өзгөчө кырдаалдар министрлигинин басма сөз кызматы билдирди.
Жол кырсыгы бүгүн, 23-декабрда таңкы саат үчтөр чамасында болгон. Бишкек-Нарын-Торугарт унаа жолунун 180-чакырымында (Кубакы ашуусу) Skoda Octavia үлгүсүндөгү унаанын айдоочусу рулду башкара албай калып, бетон тосмону сүзгөн.
Жол кырсыгынын кесепетинен 1 адам жеринде каза болуп, 1 адам жабыркаган (аты-жөнү такталууда). Окуя болгон жерге төрт куткаруучу барган. Алар маркумдун жансыз денесин унаадан чыгарып, тез жардам кызматынын дарыгерлерине өткөрүп беришкен.
