2024-жылдын 22-июлунан 27-июлуна чейин Өзбекстандын Фергана шаарында кыргыз-өзбек мамлекеттик чек арасын демаркациялоо боюнча кезектеги жыйын болуп өттү.
Сүйлөшүүлөрдүн жүрүшүндө эки өлкөнүн өкмөттүк делегацияларынын жумушчу топтору кыргыз-өзбек мамлекеттик чек арасын демаркациялоо маселелерин карашты.
Кеңешменин алкагында Кыргызстандын Жалал-Абад жана Баткен облустарынын чегинде кыргыз-өзбек мамлекеттик чек арасынын айрым участокторунда, ошондой эле Өзбекстандын Наманган жана Фергана облустарынын чектеш тилкелеринде талаа изилдөөлөрү жүргүзүлдү..
Сүйлөшүүлөр достук жана өз ара түшүнүшүү маанайында өттү. Иш-чаранын жыйынтыгы боюнча тиешелүү протоколго кол коюлду.
Жумушчу топтордун кезектеги отуруму Кыргызстандын аймагында өтөт.
Биздин Телеграм каналга катталыңыз
