Өкмөт эмгек мигранттарына бериле турган квотаны көбөйттүЫсык-Көлдүн жээгин тазалаган. Садыр Жапаров экоактивист Андрей Панаевге унаа белек кылдыКамчыбек Ташиев Өзгөндөгү оорукананын эскилигин көрүп, жаңы имарат куруу тапшырмасын бердиКыргыз-казак чек арасында жүк ташыган унааларга электрондук кезек киргизилетАдылбек Касымалиев мамлекеттик органдарга жаңы техникаларды тапшырдыБалыкчы – Бөкөнбаев – Каракол жолу эки тараптуу ачылды
Кыргыз Республикасынын Санарип кодексине кол коюлду
04.08.2025 | 11:54

Кыргыз Республикасынын Президенти Садыр Жапаров Кыргыз Республикасынын Санарип кодексине (мындан ары — Санарип кодекси) кол койду.
Аталган мыйзам 2025-жылдын 18-июнунда Кыргыз Республикасынын Жогорку Кеңеши тарабынан кабыл алынган жана санарип мейкиндикте адам укуктарын коргоо, экономиканы өнүктүрүү жана инвестициялык жагымдуулукту жогорулатуу максатында кабыл алынды.
Санарип кодексинин негизги максаттары:
- Санарип мейкиндикте жарандын укуктарын жана эркиндиктерин камсыз кылуу;
- Санарип экономикасын өнүктүрүүгө укуктук шарт түзүү;
- Өлкөнүн инвестициялык жагымдуулугун жогорулатуу.
Кодексте камтылган негизги жоболор:
- Санарип чөйрөсүндө укуктук жөнгө салуунун негиздери;
- Мамлекеттик жана атайын жөнгө салуу тартиптери;
- Санарип мамилелердин субъекттери жана объекттери;
- Санарип дайындарын, анын ичинде жеке дайындарды иштеп чыгуу тартиби;
- Санарип жана телекоммуникациялык сервистер тууралуу жоболор;
- Жасалма интеллект тутумдары тууралуу жоболор;
- Мамлекеттик органдар жана жеке сектор ортосундагы өз ара аракеттенүү тартиби;
- Санариптик технологиялык тутумдардын ишенимдүүлүгүн жана үзгүлтүксүздүгүн камсыз кылуу чаралары ж.б.
Санарип кодекси расмий жарыяланган күндөн тартып алты ай өткөндөн кийин күчүнө кирет.
Рубрики: Жаңылыктар