Кыргыз өкмөтү улуттук авиапаркты кеңейтүү планын жарыялады. Премьер-министр Адылбек Касымалиев билдиргендей, өлкө 2026-жылы Q400 лайнерин жеткирүүнү күтүп жатат жана эки  Airbus A321 заманбап жүргүнчү учагын сатып алууну пландап жатат.

Бул 2025-жылы башталган жарандык авиацияны активдүү модернизациялоонун уландысы. Буга чейин Кыргызстандын аэропорттору өз каражаттарынын эсебинен жалпы суммасы 2 млрд 385 млн сомду түзгөн үч жаңы аба кемесин сатып алышкан. Жаңы сатып алуулар өлкөнүн эл аралык авиациялык рыноктордогу позициясын бекемдеп, аба ташуулардын сапатын жакшыртууга мүмкүндүк берет.