“Кыргызстан” фракциясынын лидери Алмазбек Баатырбеков мандатын тапшыруу үчүн Борбордук шайлоо комиссиясына арыз жазды. Маалыматты Баатырбеков өзү “Репортерго” тастыктады.

Ал мандатын тапшырып жатканын, өзүнөн кийинки адамдын кезеги келип калганы менен түшүндүрдү.

“Менин ордума мандат ала турган талапкер Бейшеналы Нурдинов  шаардан көп добуш алган. Ошондуктан анын убактысы келди. Мен штабдын иштерине активдүү аралашып, кийинки шайлоого даярдык көрүү максатында кетип жатам”, – деди ал.

Баатырбеков ошондой эле, анын ордуна фракция лидери катары Канат Исаев шайланышы мүмкүн экенин кошумчалады.

Белгилей кетсек, кечээ ушул эле партиядан Руслан Чойбеков өз каалосу менен мандатын тапшыруу тууралуу арыз жазган.