Куралдуу Күчтөрдүн Башкы штабынын башчысы Тариэль Отонбаев баштаган Кыргызстандын Коргоо министрлигинин делегациясы «Милан-26» көп тараптуу аскердик-деңиздик машыгууларына жана Эл аралык аскердик-деңиз күчтөрүнүн кароосуна (IFR-26) катышууда. Иш-чаралар 17-февралдан 20-февралга чейин Индиянын Вишакхапатнам шаарында өтүүдө.

Сапардын алкагында Тариэль Отонбаев Индиянын Аскердик-деңиз күчтөрүнүн штаб башчысы, адмирал Динеш Кумар Трипатхи менен эки тараптуу жолугушуу өткөрдү. Сүйлөшүүлөрдүн жүрүшүндө тараптар Кыргыз Республикасы менен Индиянын ортосундагы аскердик жана аскердик-техникалык кызматташтык маселелерин талкуулап, ошондой эле өлкөлөр ортосундагы мындан аркы өз ара аракеттенүүнүн келечектүү багыттарын белгилешти.