Кыргыз Республикасынын президенти Садыр Жапаров менен Казакстандын президенти Касым-Жомарт Токаевдин расмий жолугушуусунун алкагында эки өлкөнүн ортосундагы кызматташтыкты чыңдоого багытталган бир катар документтерге кол коюлду.

Президенттин Администрацисынын маалыматына ылайык, алардын ичинде төмөнкү документтер бар:

• 2025-2027-жылдарга карата кыргыз-казак кызматташуу боюнча комплекстүү план;
• Мамлекет башчыларынын биргелешкен билдирүүсү;
• Саясий, соода-экономикалык, инвестициялык, суу-энергетикалык, транспорттук жана маданий-гуманитардык кызматташтык боюнча Жогорку мамлекеттер аралык кеңештин чечими;
• 2030-жылга чейин товар жүгүртүүнү көбөйтүү боюнча жол картасы;
• Алматы облусунда дүң-бөлүштүрүү борборун куруу боюнча меморандум;
• Автотранспорт жана соода ташууларын көзөмөлдөө, чек ара пункттору, кадрларды даярдоо, элчиликтердин имараттарын пайдалануу, пенсиялык камсыздоо жана маданий кызматташтык боюнча бир катар макулдашуулар;
• Радио жыштык тилкесинде координациялоо жана туризм жаатында 2025-2026-жылдарга пландар;
• Улуттук телерадиокорпорациялардын ортосундагы кызматташтык боюнча меморандум.