Бишкектеги «Ынтымак Ордодо» Орусия президенти Владимир Путиндин Кыргызстанга расмий мамлекеттик сапарына даярдык көрүү иш-чаралары жүрүп жатат.

Бул жерден эле мамлекеттик сапардын өзгөчө атмосферасы сезилет: эки өлкөнүн желектери илинип, ардак кароол тизилген, мунун баары болуп жаткан иш-чаранын жогорку макамын баса белгилейт.

Сапардын негизги бөлүгү – жогорку деңгээлдеги кыргыз-орус сүйлөшүүлөрү.

Кыргызстандын президенти Садыр Жапаров менен Орусиянын башчысы Владимир Путин стратегиялык өнөктөштүктү жана союздаштыкты мындан ары өнүктүрүү маселелерин, анын ичинде экономика жана энергетикадан тартып гуманитардык долбоорлорго чейин талкуулашат.

Мамлекет башчыларынын биргелешкен билдирүүсү жана өкмөттөр аралык бир катар документтерге кол коюу пландалууда.

Посмотреть эту публикацию в Instagram

Публикация от Reporter.kg (@reporter_kg)

Кечээ, 25-ноябрда, Владимир Путин мамлекеттик сапар менен Кыргызстанга келди. Аны «Манас» эл аралык аэропортунда өлкө башчысы Садыр Жапаров өзү тосуп алды. Бул тууралуу президенттин басма сөз кызматы кабарлаган.