Эгерде эпидемиологиялык абал ушуну менен улана берсе катаал чаралар жана чектөөлөр кирет. Мындай билдирүүнү бүгүн, 22-июнда брифингде саламаттык сактоо министри Сабиржан Абдикаримов Кыргызстанда өзгөчө кырдаал режимин кайрадан киргизилеби? деген суроого жооп берип жатып айтты.
“Биз байкоо жүргүзүп жатабыз. Эгерде эпидемиологиялык кырдаал татаалдашса, кээ бир аймактарда чектөөлөр киргизилет. Айрым аймактарга чектөө киргизүүнү, ошондой эле айрым объектилерди жаап салууну сунуштайбыз ”, — деди министр.
