Эмгек, социалдык камсыздоо жана миграция министрлигинин маалыматына ылайык, өлкөдөгү 17 социалдык стационардык мекемеде 2 399 жаранга кызмат көрсөтүлүүдө. Бул мекемелер республикалык бюджеттин эсебинен каржыланат.

Жалпысынан кызмат алуучулардын ичинен 504ү – улгайган жана майыптуулугу бар жарандар.

Аталган мекемелердин айрымдары:

• Б. Салиева атындагы Төмөнкү-Серафимовкадагы улгайган жана майыптыгы бар жарандар үчүн ССМ – 289 адам;
• Бакай-Атадагы жалпы типтеги улгайган жана ДМЧ жарандардын ССМи – 78 адам;
• Сүлүктүдөгү жалпы типтеги улгайган жана майыптуулугу бар жарандар үчүн ССМ – 15 адам;
• Сузактагы жалпы типтеги улгайган жана майыптуулугу бар жарандардын ССМи – 97 адам;
• Токтогулдагы «Кара-Каш» ССМи – 25 адам.

Министрликтин билдирүүсүндө социалдык мекемелерде стационардык жардамга муктаж жарандардын ыңгайлуулугун камсыз кылуу иштери улантылып жатканы белгиленди.