2023-жылы Кыргызстанда орточо айлык 32 миң 174 сомду түзүп, 22,2 пайызга көбөйдү. Бул тууралуу Улуттук статистика комитети билдирди.
Өлкөдөгү баалардын өсүүсү менен салыштырганда маянанын реалдуу өлчөмү 9,6 пайызга көбөйдү.
Валюталардын расмий наркы менен эсептегенде орточо айлык 367,3 долларды түздү.
Эң жогорку орточо маяна Ысык-Көл облусунда (39 миң 110 сом) Бишкекке салыштырмалуу миң сомго көп. Баткен облусунун тургундары эң төмөн айлык акы алышат (26 миң 100 сом).
Биздин Телеграм каналга катталыңыз
