Жыл башынан бери Кыргызстанда 6 миң 536 үй-бүлөлүк зомбулук фактысы катталды, бул былтыркыга салыштырмалуу 36%га көп. Укук коргоо органдары тарабынан зордук-зомбулук фактысы боюнча 4967 коргоо ордери берилип, 1708 протокол түзүлдү. Мындай маалыматтар Ички иштер министрлигинин Коомдук коопсуздук кызматынын материалдарында камтылган.
538 адам жоопкерчиликке тартылды — алар коомдук ишке жиберилди, дагы 824 адам камакка алынды. 165 кылмыш иши козголгон, анын ичинен 11и адам өлтүрүү.
Жакында Ош облусунда резонанстуу окуя катталды: мектептеги жолугушууга барган эркек 38 жаштагы аялын кызганычтан улам өлтүрүп алган.
