Кыргызстандын мыйзамдарында алгач ирет «ээрчип алуу» түшүнүгү киргизилди — бул башка адамдын эркине каршы багытталган атайын аракеттер (чалуулар, аңдуу, жолугууга баруу ж.б.), жапа чеккен адамда коопсуздугу үчүн коркунуч сезимин жараткан жүрүм-турум катары аныкталат.

Президент Садыр Жапаров тиешелүү өзгөртүүлөргө — Бузуулар жөнүндө кодекске жана «Үй-бүлөлүк зомбулуктан коргоо жана алдын алуу жөнүндө» мыйзамга кол койду.

Эми сот куугунтуктоого барган адамдарга электрондук көзөмөл каражаттары (браслет) аркылуу үч айга чейин чектөө чараларын киргизе алат.

Мындай чаралардын катарына төмөнкүлөр кирет:

• жабырлануучу менен байланышууга тыюу салуу;
• аңдоо же ээрчип алуу аракеттерине тыюу;
• курал сактоого тыюу;
• белгилүү аймактарга барууга чектөө киргизүү.

Чечимдердин аткарылышын ички иштер органдары электрондук көзөмөл системаларынын жардамы менен көзөмөлдөйт.

Эгер адам электрондук байкоо эрежелерин бузса же оңдоочу программага катышуудан баш тартса, ага 40 саат коомдук иштерден тартып, 14 суткага чейин камак жазасы каралган.