Кыргызстанда «Улуттук электр тармагы» ААК (НЭСК) электр энергиясын жогорку жүктөм маалында өчүрүүнү пландаштырууда, бирок ошол эле учурда кадимки тарифке караганда кымбатыраак чексиз тарифти сунуштайт. Бул тууралуу «Биринчи радио» менен маегинде «Улуттук электр тармагы» ААКнын электр энергиясын ишке ашыруу башкармалыгынын башчысы Исабек Орозбаев билдирди.

Эскерте кетсек, Кыргызстанда саат 7:00дөн 9:00гө чейин жана 18:00дөн 21:00гө чейин айрым подстанциялар ашыкча жүктөм менен иштейт. Энергетикалык тармактын туруктуу ишин камсыз кылуу жана өчүрүүлөрдүн алдын алуу максатында, ашыкча жүктөм пайда болгон учурда эсептегичтердеги кубаттуулук автоматтык түрдө 5 киловаттан 3 киловатка чейин төмөндөйт. Бул абоненттерде электр энергиясынын убактылуу өчүшүнө алып келиши мүмкүн. НЭСК жарандарга ушул маалда электр приборлорун колдонууну чектөөнү сунуштады.

Эфир учурунда Орозбаев белгилегендей, керектөөчүлөр зарылчылыкка жараша чексиз тарифке өтө алышат. Тарифти өзгөртүү боюнча арыздарды райондук же шаардык электр тармактарында берүүгө болот.

Тарифтер:
— 3,81 сом — 1 кВт·с үчүн чексиз тариф;
— 1,37 сом — керектөө 700 кВт·с чейин болгондо;
— 2,6 сом — керектөө 700 кВт·с ашкан учурда.