Акыркы сутка ичинде 13 бейтап коронавирустан сакайып, стационардан чыгарылды. Бул тууралуу саламаттык сактоо министринин орун басары Нурболот Үсөнбаев брифингде билдирди.
Үсөнбаевдин айтымында, бүгүнкү күндө 67 бейтап оорудан сакайып, үйлөрүнө чыгарылган.
Соңку маалымат боюнча, Кыргызстанда коронавирус жуктуруп алгандардын саны 419 адамга жетти. Алардын ичинен 5 киши каза болгон. Ооруну жугузуп алгандардын ичинен 79 бейтап медицина кызматкерлери.
