Кыргызстанда ВИЧ жуктурган 878 бала катталды

05.09.2025 | 15:20

2025-жылдын 1-июлуна карата Кыргызстанда ВИЧ-инфекциясын жуктурган 18 жашка чейинки 878 бала катталды. Анын 90%ын 14 жашка чейинки балдар түзөт.

Бул тууралуу Саламаттык сактоо министрлигинин “2026-2030-жылдарга ВИЧ-инфекциясын жана кан аркылуу жугуучу вирустук гепатиттерди жеңүү боюнча” программасын бекитүү жөнүндө токтом долбоорунда айтылды.

Андагы маалыматка ылайык, ВИЧ жуктурган балдардын 52%ы 2006–2009-жылдары медициналык мекемелерде жуктурган, 41%ында энеден балага жуккан. Ал эми 7%ында жугуу жолу аныкталган эмес. Жалпысынан 136 бала каза болгон.

Scroll to Top