Казакстанда аткезчилик үчүн соттолуп Кыргызстанга алынып келинген Жогорку Кеңештин мурдагы Дамирбек Асылбек уулу өз мекенинде 10 жыл жаза өтөйт.
Жогорку Сот Башкы прокуратуранын өтүнүчүн канааттандырып, экс-депутатка Казакстанда чыгарылган өкүмдү күчүндө калтырган.
Жогорку Сортун басма сөз кызматы бул чечим 15-ноябрда эле чыкканын белгилеп өттү.
Белгилей кетсек Дамирбек Асылбек уулу Кыргызстанга 18-ноябрда алып келингенин ЖАМК билдирген. Учурда ал №1 тергөө абагында.
24-апрелде Алматанын райондор аралык экс-депутат Дамирбек Асылбек уулун 10 жылга эркинен ажыратуу тууралуу өкүмүн чыгарган. Ошондой эле өлкөдөн жаза өтөө мөөнөтү аяктаган соң чыгары тууралуу өкүм чыгарган.
