23–27-июль күндөрү Кытайдын Чжэнчжоу шаарында Шанхай кызматташтык уюмунун алкагында ЖМКлар жана аналитикалык борборлордун саммити өттү. Бул тууралуу Кытайдын “Синьхуа” маалымат агенттиги билдирди.

Маалыматка ылайык, саммит “Шанхай рухун” жайылтуу, биргелешип жаркын үй куруу” темасына арналган.

Иш-чарага ШКУга мүчө өлкөлөрдөн, ошондой эле эл аралык жана аймактык уюмдардан келген алдыңкы 200гө жакын ЖМК, белгилүү аналитикалык борборлор жана өкмөттүк мекемелердин 400дөй өкүлү катышкан.

Саммитте «Шанхай рухун» маанилүүлүгү белгиленип, ШКУ алкагында өз ара байланыштарды жана кызматташууну өнүктүрүү үчүн ЖМКлар менен илимий чөйрөлөрдүн биригүүсү зарыл экени айтылган.